Mga operator ng bus, maari nang mag-apply para sa special permits sa holy week

Maaring nang mag-apply ang mga operator ng bus na gustong makakuha ng special permits para sa nalalapit na holy week.

Ayon sa Land Transportation Franchising and Regulatory Board (LTFRB), hanggang sa Marso 13, 2020, ay tatanggap sila ng mga aplikasyon sa mga gustong makabiyahe ng labas sa kanilang ruta at mabigyan ng special permits.

Maaring ihain ang aplikasyon sa window 9 ng LTFRB Central Office sa Quezon City kalakip ng kumpletong requirements.

Kabilang sa mga requirement ang verified petition, latest OR/CR, franchise verification, updated personal passenger insurance at address ng terminal.

Tuwing holiday season ay naglalabas ng special permits ang LTFRB sa mga pampasaherong bus para matiyak na may sapat na masasakyan ang dagsa ng pasahero na magsisiuwian sa kani-kanilang mga probinsya.