Mga opisyal ng PNP, isinalang sa surprise drug test

Pinangunahan ni PNP Chief Police General Archie Francisco Gamboa ang surprise drug test sa matataas na opisyal ng pulisya.

Kabilang si PNP Chief Police General Francisco Gamboa sa mga sumailalim na police official sa surprise drug test ngayong araw sa Kampo Crame. Photo Courtesy: PNP PIO

Kabilang dito ang 66 police star-rank officers na miyembro ng Command Group, Directorial Staff, Regional at  National Support Unit Directors.

Si NCRPO Director P/MGen. Debold Sinas habang pinapakita ang kanyang urine sample sa isinagawang surprise drug test ng PNP officials ngayong araw. Photo Courtesy: PNP PIO

Isinagawa ang drug test sa National Headquarters sa Camp Crame kasabay ng Command Conference ngayong araw.

Sinabi ni Gamboa na isinagawa ang drug test upang  madetermina kung nararapat sa pwesto ang mga opisyal at pagpapakita rin ng senseridad na linisin ang kanilang hanay.

Ayon kay PNP Spokesperson Police Brigadier General Bernard Banac, bukas malalaman ang resulta ng drug test na pinangunahan ng PNP Crime Laboratory.

Sumalang din sa surprise drug test si PNP Spokesperson BGen. Bernard Banac ngayong araw. Photo Courtesy: PNP PIO