Mga paaralan sa Tawi-Tawi, binigyan ng OVP PagbaBAGo BAGS

Nabiyayaan ng libu-libong PagbaBAGo BAGS ng Office of the Vice President (OVP) ang siyam na malalayong paaralan sa Tawi-Tawi, Bangsamoro Autonomous Region in Muslim Mindanao (BARMM).

Ayon sa OVP, sa pamamagitan ng kanilang satellite office sa BARMM, mas madaling naaabot ng tanggapan ni Vice President Sara Duterte ang naturang mga paaralan.

Umabot sa 2K bags ang naipamahagi ng OVP sa Tawi-Tawi na naglalaman ng school supplies gaya ng notebook, ballpen, lapis, at iba pa.

Naglalaman din ito ng dental supplies tulad ng toothbrush at toothpaste.

Layunin ng OVP sa 2025 na mas mapalawak pa ang mga serbisyo ng tanggapan sa mas maraming pang Pilipino lalo na sa iba’t ibang far-flung areas sa buong bansa.