Mga Pinoy, ‘di dapat ikabahala ang bagong COVID variant– DOH

Walang dapat ikabahala ang mga Pilipino ayon sa Department of Health (DOH) hinggil sa bagong XEC variant ng COVID-19.

Ito’y kahit pa nagiging sanhi ito ng pagtaas ng COVID cases sa Germany.

Ayon kay DOH Asec at Spokesperson Albert Domingo, hindi pa nakita sa ibang bansa ang naturang variant kung kaya’t hindi dapat matakot hinggil dito.

Sakali mang makakapasok sa bansa ay sinabi ni Domingo batay na rin sa pahayag ng mga eksperto na hindi nagiging sanhi ng severe infection ang XEC variant.