Mga Pinoy na mangingisda sa WPS, dumarami na muli

Dumarami na muli ang mga Pinoy na nangingisda sa West Philippine Sea (WPS) ayon sa Bureau of Fisheries and Aquatic Resources (BFAR).

Ayon kay BFAR Spokesman Nazario Briguera, naging susi dito ang presensya ng gobyerno gaya ng Philippine Coast Guard (PCG) sa rehiyon lalong-lalo na sa Panatag Shoal.

Tinatayang nasa 50% – 60% ang itinaas nito batay sa pahayag ng ahensya.

Samantala, sa naging launching ng LAYAG-WPS sa Zambales, isang programa kung saan namamahagi ng mga malalaking bangka, postharvest equipment at iba pa ay umabot na ng P60-M ang naibigay ng pamahalaan sa mga benepisyaryo.