Connect with us

Mga senador hati ang pananaw sa “Solid 7”

Mga senador hati ang pananaw sa "Solid 7"

National News

Mga senador hati ang pananaw sa “Solid 7”

‘Di pa rin malinaw hanggang sa ngayong kung aanib ang tinaguriang “Solid 7” sa minorya ng Senado.

Sila ang 7 senador na hindi sumang-ayon sa pagtatanggal kay Senador Juan Miguel “Migz” Zubiri bilang Senate president kamakailan.

Ayon kay dating Majority Floor Leader Senator Joel Villanueva madalas na nagkikita-kita ang kanilang grupo sa Senado pero hindi nila napag-uusapan ang nasabing isyu.

Bukod kay Villanueva, kabilang sa “Solid 7” ang senior senators na miyembro ng mayorya sina Senador Sonny Angara, JV Ejercito, Win Gatchalian, Migz Zubiri, Nancy Binay, at Loren Legarda.

“It’s always more on what’s happening like nitong nakaraang brownout. Dalawa o tatlong oras ata namin pinag-uusapan itong brownout. Unfortunately, marami tayong masyadong problema sa bansa na di dapat dagdagan ng issue sa politika. Talagang dapat tutukan ito at hindi po puwedeng maging tamad. Lalo na sa ating trabaho. Hindi po ako nagpaparinig,” ayon kay former Senate Majority Floor Leader, Sen. Joel Villanueva.

Pero sa Solid 7, nasa 4 lamang ang bukas na naghayag na kinokonsidera nila ang paglipat sa grupo ng minorya.

Para kay Senate President Francis “Chiz” Escudero ay wala siyang kinikilala na “Solid 7”.

Ayon sa bagong Senate president, pantay-pantay ang kanyang tingin sa lahat ng mga senador.

“So hindi ko alam saan nanggaling ang Solid 7. Ang bilang ko pa rin ay 24 na senador at hindi 15 plus 7 plus 2. Hindi ito basketball o football. 24 pa rin ang bilang ng mga senador at mananatiling ganun ang pagtingin ko anuman ang kanilang sabihin o anuman ang kanilang pananaw,” ayon naman kay Senate President, Sen. Francis “Chiz” Escudero.

Dahil dito naniniwala si Senador Joel Villanueva at ilang senador na posibleng maisapinal ang mga alyansa sa Senado sa pagbabalik ng sesyon ng kongreso sa darating na Hulyo.

More in National News

Latest News

To Top