Mga umaabusong pulis sa war on drugs, pananagutin ayon sa Malacañang

Pananagutin ang mga pulis na umabuso sa kanilang kapangyarihan sa kasagsagan ng kampanya kontra iligal na droga ng pamahalaan.

Sinabi ni Presidential Spokesperson Salvador Panelo na hindi nagbago ang posisyon ni Pangulong Rodridgo Duterte sa anumang pang-aabuso na ginawa ng police officers at PDEA agents sa anti-drugs operations.

Ayon kay Panelo, iniimbestigahan na ang lahat ng mga reklamo at alegasyon sa extrajudicial killings (EJKs) para tiyak na mapanagot ang mga nasa likod nito.

Sa kabila aniya ng resulta ng survey ng Social Weather Stations (SWS) ay ikinatuwa ng Malacañang na mahigit pito sa sampung pinoy ang naniniwala na seryoso ang Administrasyong Duterte sa pagresolba sa problema sa EJKs.

DZARNews