Nagpositibo sa COVID-19 sa Pilipinas, umabot na sa 6,710

Nadagdagan ng 111 panibagong kaso ang bilang ng mga nagpositibo sa COVID-19 sa Pilipinas.

Sa huling tala ng Department of Health (DOH), as of 4pm, umabot na sa 6,710 ang nadapuan ng COVID-19.

Sa naturang bilang, 693 ang gumaling kung saan 39 ang nadagdag habang nasa 446 naman ang namatay kung saan 9 ang panibagong nasawi sa nakalipas na 24 oras.

May 3,206 naman ang kasalukuyang naka-admit sa iba’t-ibang pagamutan dahil sa COVID-19.

Sa virtual briefing ni Health Usec. Ma. Rosario Vergeire, nasa 61,049 na ang naisagawang COVID-19 test sa buong bansa kung saan 7,797 (12%) dito ay nagpositibo sa nakamamatay na sakit.

May natitira namang mahigit 71,000 test kits sa 17 mga DOH accredited testing centers sa buong bansa.