Nasabat na mga kush sa Bulacan, umabot ng P46.5M

Umabot ng P46.5M sa kabuoan ang nasabat ng Philippine National Police-Drug Enforcement Group (PNP-DEG) na kush o high-grade marijuana sa magkahiwalay na operasyon kamakailan.

Sa unang operasyon nila ala una ng hapon nitong Oktubre 26, 2024 sa Brgy. Patubig, Marilao, Bulacan, nakumpiska nila ang halos 19 kilos ng high-grade marijuana.

May estimated street value ito ng P28.5M ayon sa mga awtoridad.

Sa sumunod naman na operasyon alas tres ng hapon sa Brgy. Santol, Balagtas, Bulacan, nasabat ang nasa 12 kilos na high-grade marijuana.

May estimated street value ito na P18M.