Nasawi sa lindol sa Davao Occidental, umakyat na sa 9 – NDRRMC

Sumampa na sa 9 ang bilang ng naitalang nasawi sa magnitude 6.8 na lindol sa Sarangani, Davao Occidental.

Batay ito sa ulat ng National Disaster Risk Reduction and Management Council (NDRRMC) ngayong Lunes, Nobyembre 20.

Ang mga naiulat na nasawi ay sumasailalim pa sa berepikasyon ng ahensya.

Habang 15 ang mga naiulat na nasaktan sa malakas na pagyanig.

Samantala, umabot na sa 2,489 pamilya o 12,885 indibidwal ang naapektuhan ng lindol mula sa 43 barangay sa Region 11 at 12.