Nasuspending pasok sa mga paaralan dahil sa COVID-19, maari nang ipagpatuloy sa Lunes – DepEd

Maari nang ipagpatuloy ang lahat ng national, regional, at off-campus activities na nasuspende dahil sa Coronavirus Disease 2019 (COVID-19) outbreak simula sa Pebrero 24.

Gayunpaman, nilinaw ng Department of Education (DepEd) na kailangang sundin ang lahat ng precautionary measures na itinakda ng kagawaran at ng Department of Health (DOH).

Pinatatalaga din ang mga paaralan ng weekends para sa “school-wide general cleaning and intensified disinfection efforts” at gamitin ang kanilang maintenance at iba pang operating expenses fund para ipatupad ang protective measures laban sa virus.

Ang mga school personnel at estudyante naman na itutuloy ang kanilang personal na lakad sa mga bansang may kumpirmadong kaso ng COVID-19 ay dapat sumailalim sa self-quarantine sa loob ng 14 araw mula sa petsa ng kanilang pagbabalik sa Pilipinas.