Navotas City, nananatili pa ring COVID-19 free

Inihayag ng lokal na pamahalaan ng Navotas na nananatiling Coronavirus Disease 2019 (COVID-19) free ang lungsod.

Sa anunsyo ni Navotas Mayor Toby Tiangco kahapon, nananatiling zero case sa COVID-19 ang lungsod habang 73 naman ang person under monitoring (pum).

2 naman ang person under investigation (pui) matapos makitaan ng sintomas ng sakit habang 30 naman ang naclear na.

Kaugnay nito ay muling hinimok ng lokal na pamahalaan ang publiko na maghome quarantine upang maiwasan ang patuloy na pagkalat ng nasabing sakit.

Samantala, tiniyak naman ng Navotas LGU na inihahanda na nila ang mga relief goods na ipamimigay sa mga residente na pinaka-nangangailangan.

Magiging prayoridad nito ang mga lubhang naapektuhan ng enhanced community quarantine at ang mga walang makakain dahil sa hindi nakakapagtrabaho.