NBI Asst. Dir. Medardo de Lemos, itinalaga bilang officer-in-charge ng NBI

Itinalaga bilang officer-in-charge ng National Bureau of Investigation (NBI) si NBI Assistant Director Medardo de Lemos.

Kinumpirma ito mismo ni Department of Justice Secretary Boying Remulla kung saan naglabas ito ng memorandum order.

Papalitan ni De Lemos si dating OIC Eric Distor.

Kahapon nang makipagpulong si Remulla kay De Lemos upang talakayin ang isinampang kaso ng NBI laban sa mga NCRPO kaugnay sa umano’y pagkamatay ng mga inmates sa Bilibid.

Batay kay Mico Clavano ng Office of the Justice Secretary, nais ni Remulla na ma-validate ang mga impormasyon na naipresenta na at malaman pa ang iba pang mga detalye sa insidente.