NIA, inatasan ng Malakanyang na maglagay ng irigasyon sa Occidental Mindoro sa gitna ng tumitinding epekto ng El Niño

Inatasan ni Pangulong Bongbong Marcos Jr. ang National Irrigation Administration (NIA) na magtayo ng irrigation system sa Occidental Mindoro.

Ito’y sa gitna ng tumitinding epekto ng El Niño phenomenon sa matindi rin ang epekto sa pagsasaka sa ilang bayan doon.

Dagdag pa ni Marcos Jr., plano ngayon ng pamahalaan na maglagay ng dam sa probinsya para mapatubigan ang mga irigasyon hanggang sa mga bayan ng San Jose at Magsaysay.

Bukod sa mga dam, plano rin ng pamahalaan na magtayo ng solar-powered pumps para maabot sa irigasyon ang mga matataas na lugar.

Matatandaan na noong nakaraang buwan ay isinailalim sa state of calamity ang mga bayan ng Magsaysay, San Jose, at Looc dahil sa matinding epekto ng El Niño.