Nick Torre, bigong tumugon sa kanyang sariling hamon vs. KOJC

Bigong tumugon si Nicholas Torre ng Philippine National Police (PNP)- Region 11 sa sarili nitong hamon sa gitna ng iligal nilang paghahalughog sa KOJC compound.

Ang hamon ni Torre, papasukin ang ibang media para patunayan ang sinasabi ng KOJC na may ginagawang drilling activities at malaking hukay ang mga pulis sa JMC basement.

Bago nangyari ang hamon ay kumakalat na sa social media ang larawan ng isang malalim na hukay sa JMC basement na tinatrabaho ng mga pulis.

Tinanggap naman ng KOJC ang hamon ni Torre ngunit ang nangyari ay hinarang at binarikadahan ng mga pulis ang access patungo sa nasabing lugar.

Kung titingnan sa naka-post na videos at pictures sa social media platforms ng DZAR 1026 SMNI Radio at SMNI News, ang pagbarikada ay malinaw na pahiwatig na may tinatago ang mga pulis.

Maliban sa JMC basement, sinubukan ring pasukin ang KOJC Cathedral.

Matatandaang isa sa kasinungalingan ng mga pulis ay ang pahayag na hindi umano nila ginawang command post ang lugar subalit may mga malinaw na video na magpapatunay na ginawa na nga nila itong command center.