No. 3 most wanted sa Pampanga, arestado sa kasong robbery with homicide

Walang kawala sa kamay ng mga operatiba si Gerome Santiago Tantay, tinaguriang top 3 most wanted person ng Pampanga sa kasong robbery with homicide.

Inaresto ang suspek dakong alas 12:40 ng hapon ng Miyerkules, February 19, 2025 mula sa pinagsanib na pwersa ng mga tauhan ng Provincial Intelligence Unit (PIU) Pampanga, SWAT, IG National, PIT3/RIU, Candaba MPS, San Fernando CPS, at 1st PMFC sa Bulaon Resettlement, Barangay Bulaon, San Fernando City, Pampanga.

Ang kasong robbery-homicide ni Santiago ay nangyari noong April 28, 2024, sa Candaba, Pampanga, na ikinamatay ng isang biktima.