Number coding scheme, isususpinde ng MMDA sa Labor Day

Isususpinde ng Metropolitan Manila Development Authority (MMDA) ang number coding scheme ngayong May 1, 2024.

Pakikiisa ito ng MMDA sa pagdiriwang ng ika-122 Araw ng Paggawa o Labor Day na isang regular holiday.

Sa kabila nito ay ipinaalala parin ng MMDA na mag-ingat ang lahat sa pagmamaneho at sumunod sa batas trapiko.

Samantala, sa Labor Day ay higit 200-K na mga trabaho ang inaalok ng Department of Labor and Employment (DOLE).

Maliban pa sa job fair ay magkakaroon rin ang DOLE ng TUPAD pay-out at livelihood awarding sa May 1.