Office of the Vice-President, namahagi ng Personal Protective Equipments set sa mga ospital sa Metro Manila

Namahagi ang tanggapan ni Vice President Leni Robredo ng mga Personal Protective Equipments (PPE) sets sa mga ospital sa Metro Manila.

Kabilang sa nakatanggap ng PPE sets ang San Lazaro Hospital, Philippine General Hospital at ang University of the Philippines-National Institutes of Health.

Naglaan ang opisina ni Robredo ng P5.9-M ng kanilang pondo para makatulong sa pagbibigay ng PPE set sa 1,000 front liners sa loob ng 15 araw.

Nakalikom din ito ng P6.4-M para sa karagdagang pambili ng PPE set para sa mga health workers na nangunguna sa paglaban sa Coronavirus Disease 2019 (COVID-19).