Pacquiao, gustong palayain si De Lima

Nanawagan ngayon si presidential aspirant at Senator Manny Pacquiao na pakawalan na ang nakakulong na si Sen. Leila de Lima.

Ito ay matapos bumaliktad ang dalawang saksi na dating tumestigo laban kay De lima.

Sinabi ni Pacquiao na sang-ayon siya sa panawagan ni senatorial aspirant Lutgardo Barbo na pakawalan si De Lima.

Ani Pacquiao, kawawa si De Lima dahil matagal na siyang nakakulong kung halimbawa ay inosente ito.

Dagdag pa ni Pacquiao, dapat ding bigyan ng kalayaan si De Lima na mangampanya.

Una nang umapela si Pacquiao nang mabilis na resolusyon sa kaso ni De Lima.