Pacquiao, maaaring kasuhan ni Pastor Quiboloy ng cyberlibel

Mayroong probable cause o rason kung maghahain ng demanda ng cyberlibel si Pastor Apollo C. Quiboloy laban kay Manny Pacquiao.

Ito ang sinabi ni The Kingdom of Jesus Christ Legal Counsel na si Atty. Ferdinand Topacio matapos inanunsiyo ni Pacquiao na hindi ito dadalo sa presidential debate dahil sa mga kasong kinakaharap ni Pastor Apollo.

Sinabi ni Atty. Topacio na mali ang dahilan ni Pacquiao kung bakit hindi ito sasali sa presidential debate ng Sonshine Media Network International (SMNI).

Hindi rin dapat lagyan ng malisya ang kanyang dahilan kung bakit hindi siya lalahok sa debate.

Nilinaw din ni Atty. Topacio na inakusahan pa lamang si Pastor Apollo sa Amerika at hindi pa ito nahatulan.