Pag-aangkat ng karne ng Pilipinas hanggang Pebrero, tumaas ng 25% — BAI

Tumaas ng 25% ang pag-aangkat ng karne ng Pilipinas hanggang sa katapusan ng Pebrero.

Batay sa pinakahuling datos mula sa Bureau of Animal Industry (BAI), ang kabuuang inangkat na karne mula Enero – Pebrero ay umabot sa 237.68-M kilo.

Mataas ito kumpara sa 177.82-M kilo sa kaparehong panahon noong nakaraang taon.

Ang pagtaas ng meat imports sa loob ng 2 buwan ay bunsod ng mataas na pagbili ng baboy, manok, at baka.

Ang baboy ang may pinakamalaking bahagi sa kabuuang volume na umabot sa 124.05-M kilo.

Sumunod ang manok na may 77.31-M kilo habang ang baka ay may 32.39-M kilo.

Ang mga importasyong ito ay nagaganap habang nagpapatuloy ang kampanya ng Pilipinas laban sa pagkalat ng bird flu at African swine fever (ASF).