Paghiwalay ng Mindanao sa Pilipinas, salungat sa prinsipyo ng demokratikong lipunan

Nanindigan ang Department of Justice (DOJ) sa kanilang pagtutol sa mga panawagan na ihiwalay sa Pilipinas ang Mindanao o anumang bahagi ng bansa.

Kaugnay nito’y tiniyak ng DOJ na mananatiling matatag at maninindigan laban sa anumang mga pagtatangka na pahinain ang pagkakaisa at teritoryal na integridad ng Pilipinas, gaya ng nakasaad sa konstitusyon.

Ipinaliwanag ng DOJ na ang paghihiwalay ay itinuturing na salungat sa mga prinsipyo ng ating demokratikong lipunan tulad ng nakasaad sa Article II, Section 2 ng konstitusyon.

Mananatili anyang naka-sentro ang DOJ sa pagprotekta sa ating soberanya at pagtataguyod sa kabanalan ng pinakamataas na batas ng bansa.