Paglabas ng bahay ng walang face mask, ipinagbawal na

Kailangan nang may suot na face mask ang sinuman na lalabas ng kanilang bahay simula ngayong araw.

Ito ang inihayag sa isang virtual conference ni Inter-Agency Task Force (IATF) spokesperson at Cabinet Secretary Karlo Nograles.

Paliwanag pa ng kalihim, sakop ng naturang panibagong kautusan ang mga nasa enhanced community quarantine area upang mapigilan ang pagkalat ng Coronavirus Disease 2019 (COVID-19).

“Lahat ng kababayan natin na lalabas sa kanilang tahanan ay required nang gumamit ng face masks, panyo o improvised face shields.” saad ni Nograles.