Pamunuan ng MRT, inatasang i-upgrade ang kanilang mga palikuran

Pinasasaayos o pinapa-upgade ng Department of Transportation (DOTr) sa pamunuan ng Metro Rail Transit Line 3 (MRT-3) ang kanilang mga palikuran sa bawat istasyon ng tren.

Ayon kay DOTr Secretary Jaime Bautista, malinis naman ngunit kulang ang amenities sa mga palikuran.

Kabilang sa pinalalagay ay bidets na magagamit ng mga pasahero.

Kaugnay nito, plano ring maglagay ng kalihim ng medical equipments sa lahat ng estasyon na magagamit sa panahon na may emergency.

Pinalilipat din nito ang mga customer service na madaling makita at malapitan ng mga pasahero kahit nakapila palamang ang mga ito sa labas ng istasyon.