Pang. Duterte, handang ibigay ang sahod para sa laban kontra sa COVID-19      

Handang ibahagi ni Pangulong Rodrigo Duterte ang kanyang sahod para sa paglaban ng Coronavirus Disease 2019 (COVID-19).

Maging ang Assistant Secretaries of the Offices of the Cief Presidential Legal Counsel at ang Presidential Spokesperson Salvador Panelo ay ibabahagi ang 10% ng kanilang sweldo sa Office of Civil Defense (OCD) na siyang tagapangasiwa sa lahat ng donasyon kontra sa COVID-19.

Nakiisa na rin sa pagbibigay ng nasa 3/4 ng kanilang sahod mula Abril – Disyembre ang mga cabinet members ng pangulo.

Nauna naman ng nakapagbigay ang Kongreso ng halos P40-Million na inanunsyo ni House Speaker Alan Peter Cayetano.

Pinangunahan naman ni Senate President Tito Sotto III ang pagbabahagi ng sahod sa hanay ng mga senador para sa kampanya ng pamahalaan kontra COVID-19.