Pang. Duterte, wala pang nakikitang maaring maging sunod na pangulo

Wala pang nakikita si Pangulong Rodrigo Duterte na politikong uubra na maging susunod na pangulo ng bansa.

Ito ang naging pahayag ng pangulo sa kanyang talumpati sa harap ng mga bagong talagang opisyal ng gobyerno sa Malacañang kagabi.

Ayon sa pangulo, hindi dapat takot mamatay at pumatay ang sinumang gustong tumakbo para sa posisyon.

Sinabi ng pangulo na natatakot siya para sa mga susunod na henerasyon kung hindi maipagpapatuloy ng susunod na pangulo ng bansa ang pangangalaga sa bayan.

Matatandaang umani ng batikos sa iba’t-ibang grupo ang anti-illegal drug campaign ng administrasyong Duterte dahil sa umano’y nangyayaring extrajudicial killings.