Pangatlong walk-in COVID-19 testing center sa Maynila,binuksan na

Binuksan na ngayong araw  ang ika-tatlong walk-in COVID-19 testing  center sa lungsod ng Maynila sa  Justice Jose Abad Santos General Hospital ng Maynila.

Libre ang naturang testing at kahit sino ay maaring magpa-test hindi residente ng lungsod.

Matatandaang unang binuksan ng Manila City Government  ang dalawang walk-in COVID-19 testing center sa Ospital ng Sampaloc at Gat Andres Memorial Medical Center.

Target namang buksan ang susunod na walk-in COVID-19 testing center sa Ospital ng Tondo at Ospital ng Maynila.

Mababatid na nag-ugat ang inisyatibong ito ni Manila City Mayor Francisco Isko Moreno Domagoso nang inilunsad nito ang drive thru COVID-19 testing center.

Una na ring nilinaw ng alkalde na ang ginagawang community based testing ay hindi rapid test kundi ito ay serology anti body lab testing na mas higit na mabisa.

Ibig sabihin ang sample na  dugo na kinukuha sa sinumang nag-avail ng testing ay isinasailalim sa serology test.

Ayon kay Domagoso ang ginagamit na proseso para sa drive thru at walk-in testing center ay ang architect i1000 SR’ machines na binili ng city government mula sa Abbott

Iba naman ito sa swab test dahil ang ginagamit na makina sa pagproseso ay ang reverse time polymerase chain reaction o RT -PCR test kung tawagin

Para sa nais magpa-test, 1^st come first serve basis naman ito ibinibigay at valid ID lamang ang kinakailangang ipakita rito.