Pangulong Duterte, personal na binisita ang check point sa Valenzuela City

Personal na binisita ni Pangulong Rodrigo Roa Duterte ang boundary ng Valenzuela at Meycuayan na kung saan napabalita ang madaming stranded ng mga pasahero at motorista sanhi ng ipinatutupad na enhanced community quarantine.

Kinausap ng pangulo ang mga nagbabantay na pulis at militar at matapos nito ay agad ding umalis ang pangulo.

Agad namang inalis ng mga pulis ang harang sa kalsada para bigyang-daan ang mga motorista sa ilalim na rin ng utos ng pangulo.

Sa ngayon, mahigpit pa ring ipinatutupad ang pagbabantay sa mga entry at exit point sa Metro Manila.