National News
PANOORIN | Pangyayari bago ang pagbagsak ng chopper na sinasakyan ni PNP Chief Gamboa
Malaki ang posibilidad na dahil sa zero visibility dulot ng alikabok kung kaya’t bumagsak ang helicopter na sinasakyan ni PNP Chief Gen. Archie Francisco Gamboa sa San Pedro, Laguna kaninang umaga.
Sa FB live post ng isang Renald Padrigo Taliga, makikita ang pangyayari bago mangyari ang aksident.
Mapapanood ang papatake-off pa lang na chopper ni Gamboa pagkatapos ng pagbisita nito sa bagong impounding area ng PNP-HPG sa Laperal Compound.
Nang ito ay nagtake-off ay hindi na halos makita ang chopper nang ito ay lumipad.
Maririnig nalang sa video ang malakas na tunog na parang pagbagsak ng chopper na ikinatakot ng nag-FB live.
PANOORIN | Pangyayari bago ang pagbagsak ng chopper na sinasakyan ni PNP Chief Gamboa? Renald Padrigo Taliga
Posted by DZAR 1026 Live on Wednesday, 4 March 2020
Ayon sa PNP Public Information Office, sumabit sa high tension wire ang helicopter bago bumagsak.
Posibleng hindi nakita ng piloto ang high tension wire dahil na rin sa nalikha ng chopper na makapal na alikabok nang magtake-off ito.
