Mga gumaling sa COVID-19 sa bansa, mahigit 1,000 na

Patuloy ang pagtaas ng bilang ng mga gumagaling mula sa COVID-19 sa Pilipinas.

Batay sa inilabas na 4pm bulletin ng Department Of Health, umabot na sa 1,043 ang bilang ng gumaling kung saan nadagdagan ito ng 20 sa nakalipas na magdamag.

Nadagdagan naman ng 276 ang nagpositibo sa COVID-19. Dahil dito umabot na sa 8,488 ang kabuuang bilang nito.

10 naman ang nadagdag sa bilang ng mga nasawi ngayong araw.

Sa kabuuan mayroon ng 568 bilang ng mga nasawi sa bansa.

Sa ngayon patuloy ang ginagawang pagsasagawa ng mga test, habang patuloy naman na umaasa ang kagawaran na habang nadagdagan ang nagpopositibo, ay mas lalo pang madaragdagan ang bilang ng mga gumagaling mula sa COVID-19.