PBA, planong gumawa ng partnership sa NBL ng Australia

Pinaplano ng Philippine Basketball Association (PBA) na gumawa ng partnership sa Australian counterpart nitong National Basketball League (NBL).

Inihayag ni PBA Commissioner Willie Marcial na ang 7-point program ay tinalakay na ng parehong Partido sa kalagitnaan ng online meeting nito.

Dumalo sa nasabing online meeting sila NBL Commissioner Jeremy Joeliger at NBL General Manager Government Relations Tristan Russel samantalang si Marcial Deputy Commissioner Eric Castro at Social Media Chief Mich Flores ang nagrepresenta sa PBA.

Kasama sa plano ang posibleng exhibition matches sa pagitan ng mga teams ng 2 liga, coaching at basketball clinics, outreach programs at game hosting.

Dagdag ng PBA, na nais din ng NBL na magdala ng team o All-Star selection para maglaro ng exhibition game sa Pilipinas at vice versa.