PBBM, binigyang-diin na hindi deserve ni VP Sara na ma-impeach

Hindi deserve ni Vice President Sara Duterte na ma-impeach.

Ito ang binatawang salita ni Pangulong Bongbong Marcos Jr. ngayong Lunes, ika-20 ng Nobyembre sa panayam ng media.

Ito’y matapos ihayag ng isang mambabatas na may ilang miyembro ng Kamara na pinag-uusapan ito.

Ayon pa sa pangulo, binabantayan nilang mabuti ang naturang usapin at tiniyak na tutukan ito dahil aniya, hindi nararapat na ma-impeach ang pangalawang pangulo.

Pero sinabi naman ng pangulo na hindi ito nakababahala dahil mayroon naman talaga aniyang kalaban ang mga pulitiko at normal lang ito.

Binigyang-diin pa ni PBBM na hindi siya naniniwala na mayroong ‘UniTeam crack’ dahil mas tumitibay pa aniya ngayon ang UniTeam.

Bukod pa dito, tinukoy din ng pangulo ng maayos ang kanilang relasyong professional at personal ni VP Sara.