PBBM, nagpaabot ng suporta kay bagong Senate President Chiz Escudero

Ipinaaabot ni Pangulong Bongbong Marcos ang kanyang suporta sa bagong Senate President na si Senator Chiz Escudero.

Sa kanyang X account, sinabi ni Marcos na ang legislative record ni Escudero at katapatan sa serbisyo publiko ay nagpakilala sa kanya bilang isang dedikadong pinuno.

Tiwala naman si Marcos na sa ilalim ng pamumuno ni Escudero, patuloy na ipaprayoridad ng Senado ang Transformative laws.

Sa kabilang banda, pinuri naman ni Marcos si Senador Juan Miguel Zubiri sa kanyang namumukod-tanging pagganap bilang dating Pangulo ng Senado.