PH gov’t, walang natanggap na extradition request vs. Pastor ACQ

Hanggang ngayon ay walang natatanggap na extradition request ang Pilipinas mula sa Estados Unidos para kay Pastor Apollo C. Quiboloy.

Kinumpirma ito ni Department of Foreign Affairs (DFA) Sec. Enrique Manalo sa naging pagdinig ng Senado.

Pero bago ito, una nang sinabi ng kampo ng KOJC na special rendition o kidnapping ang gustong gawin ng Estados Unidos kay Pastor Apollo para agad nila itong makuha sa Pilipinas.

Ang impormasyon hinggil sa rendition ay nag-ugat naman sa samu’t saring akusasyon at paninira na tinatanggap ni Pastor Apollo dahil sa mga ikinaso sa kaniya sa bansang Amerika.

Sa kabila nito, lumutang sa pagdinig na ang extradition request ay maaaring tanggihan kapag may conviction o acquittal ang akusado sa kaso sa Pilipinas.