PhilHealth systems, malapit nang maibalik lahat

Malapit nang maibalik ang lahat ng systems ng PhilHealth mula nang ma-hack ito noong Setyembre.

Batay sa datos ni Senator Pia Cayetano na sponsor ng budget ng Department of Health (DOH) sa Senado, ang web-based systems, e-claims, members portal ang ilan sa ‘fully restored’.

Ang bahagya pa lang na naibalik ay ang utility system gaya ng risk info system at iba pang internal systems.

Ang panukalang budget ng DOH para sa 2024 ay nasa P353.269-B at P101.514-B dito ay para sa PhilHealth.