Philippine Army, pinagbabayad ang China ng P60M

Muling ipinanawagan ng Philippine Army na magbayad ang China ng halagang P60M.

Para ito sa naging insidente noong Hunyo 17, 2024 kung saan inatake ng Chinese Coast Guard personnel ang Pinoy troopers habang nagsasagawa ng resupply mission sa West Philippine Sea (WPS).

Sa naturang insidente ay nasugatan pa ang isang Pinoy personnel at nasira ang kanilang military equipment.

Ayon nga kay Armed Forces of the Philippines (AFP) Chief Gen. Romeo Brawner, ang halaga na hinihingi nila ay kompensasyon para sa pinsalang dulot ng pang-aatake ng Chinese forces.

Ngunit nilinaw ni Brawner na hindi kasama sa P60M ang kompensasyon para sa nasugatang Pinoy trooper.