PHLPost, naglabas ng commemorative stamps para sa mga guro

Naglabas ng commemorative stamps ang Philippine Postal Corp. (PHLPost) upang kilalanin ang hindi matatawarang kontribusyon ng mga guro sa bansa.

Kasabay na rin ito sa selebrasyon ng National Teachers’ Month ngayong Setyembre.

Sa pahayag ng PHLPost, malaki ang role ng mga guro sa paghubog ng mga kabataang Pilipino na maging responsable at produktibo para sa bansa.

Mapapansin pang itinuturing bilang pangalawang magulang sa paaralan ang mga guro.