Pilipinas, posibleng makaranas ng hanggang 57°C na heat index

Posibleng aabot ng 57°C ang heat index na mararanasan ng Pilipinas.

Kasunod ito sa naitalang 53°C noong April 28, sa Iba, Zambales ayon sa Philippine Atmospheric, Geophysical and Astronomical Services Administration (PAGASA).

Sa katunayan, nakaranas na ang bansa ng 57°C heat index noong April 2020, sa San Jose, Occidental Mindoro.

Samantala, para naman sa Metro Manila, maaaring aabot ng 48°C ang heat index matapos nakapagtala ng 45°C noong April 27.

Ang nararanasang matinding init ayon pa sa PAGASA ay posibleng aabot hanggang ikalawang linggo ng buwan ng Mayo.