Pinakamalaking HADR exercise ng Amerika, umarangkada na

Nagsimula na sa San Fernando City, La Union ang Pacific Partnership 2023 (PP23) na pinakamalaking humanitarian assistance and disaster relief (HADR) exercise ng Estados Unidos.

Ito ang ika-18 pagkakataon na isasagawa ang pagsasanay na layuning pahusayin ang pagiging handa at interoperability ng mga kaalyado ng bansa sa Indo-Pacific region sa larangan ng HADR.

Ayon kay Armed Forces of the Philippines (AFP) Northern Luzon Command (NOLCOM) Commander Lieutenant General Fernyl Buca, ang pagsasanay ay isang pagkakataon upang matiyak ang ligtas at matatag na komunidad at maitaguyod ang regional stability.

Tatagal ang pagsasanay hanggang Agosto 30.

Bukod sa HADR exercise, magsasagawa rin ng medical, dental, veterinary, at engineering activities.