Pinsalang dulot ng masamang panahon sa sektor ng agrikultura, umabot na sa mahigit P135-M – DA

Umabot na sa P136.57-M ang naitalang pinsala sa sektor ng agrikultura dahil sa masamang panahon na dulot ng shearline sa Davao at Caraga regions.

Sa pinakahuling datos ng Department of Agriculture (DA) umabot na sa halos 7-K magsasaka ang apektado ng sama ng panahon.

Higit naman 1,100 metriko tonelada (MT) ang napinsala sa 9,043 ektaryang taniman ng palay at mais.

Posibleng tataas pa ang naitalang pinsala dahil sa patuloy na isinasagawang assessment ng ahensya at sa iba pang rehiyon na apektado rin ng shearline.

Nakahanda na rin ang P18.50-M halaga ng binhi ng palay at mais na ipamimigay sa mga magsasaka.

Maari ring umutang ang mga magsasaka ng P25-K sa ilalim ng Survival and Recovery Loan Program mula sa Agriculture Credit Policy Council.