Pista ng Pelikulang Pilipino, muling magbabalik sa big screen – OPS

Muling magbabalik sa big screen ang Pista ng Pelikulang Pilipino (PPP) ng Film Development Council of the Philippines (FDCP).

Sa official Facebook page ng Office of the Press Secretary, nakasaad na sa ika-anim na edisyon nito ngayong 2022, ang mga pelikulang mapapanood ay mula sa mga bagong National Artist ng Pelikula na sina Nora Aunor, Ricky Lee, at Marilou Diaz-Abaya.

Kabilang din sa PPP ang Sine Kabataan Short Film Lab and Festival at Sine Isla: LuzViMinda Short Film Competition, na magpapakita ng mga pananaw ng mga kabataan at mga rehiyon sa Pilipinas sa pamamagitan ng short films.

Mula sa Setyembre 9 – 23, ipapakita nang libre ang award-winning classic films na naglalayong irekognisa ang accomplishments ng lahat ng stakeholders at industry sectors.