PNP, ni-recall ang 2 pulis mula sa security ni Sen. Bato

Inamin ng Philippine National Police (PNP) na nirecall nila ang 2 opisyal mula sa security detail ni Senador Bato dela Rosa.

Ayon sa PNP, ito ay alinsunod sa Resolution No. 11067 ng Commission on Elections (COMELEC), na awtomatikong binabawi ang awtorisasyon para sa seguridad o bodyguard sa pagsisimula ng panahon ng halalan.

Nilinaw ng PNP na noong Enero pa pina-recall ang dalawang opisyal, hindi kamakailan lang.

Sa ngayon, nananatili pa rin ang apat na police officers bilang bodyguards ni Sen. Bato, matapos itong pahintulutan ng COMELEC hanggang Hunyo 11.