PRC, naka red-alert status dahil sa pag-aalburoto ng Bulkang Kanlaon

Kasalukuyang nasa red alert status ang Philippine Red Cross (PRC) dahil sa posibleng paglala ng sitwasyon sa pag-aalburoto ng Bulkang Kanlaon.

Dahil ditto, nagdeploy ang PRC ng mahigit 100 volunteers, staff, assets at iba’t ibang resources nito sa Negros Oriental upang magamit sa agarang paglikas ng mga residente.

Binigyang diin naman ni PRC Chairman at CEO Dick Gordon ang kahalagahan ng 4P’s Predict, Plan, Prepare, Practice bilang bahagi ng kahandaan kapag may sakuna.

Magugunitang iniulat ng Philippine Institute of Volcanology and Seismology (Phivolcs) na Hunyo 3 alas-6 ng gabi, nagsimulang mag-alboroto ang Bulkang Kanlaon.