PRRD, umapela sa NPA na hayaan ang gobyerno na makapag-operate sa gitna ng pandemya at kalamidad

Inatasan ni Pangulong Rodrigo Duterte ang Communist Party of the Philippines (CPP) at ang armed wing nito na New People’s Army (NPA) na hayaang makapag-operate ang gobyerno sa gitna ng pandemya at mga kalamidad sa bansa.

Ito’y matapos makarating sa pangulo ang ginawang pangingikil ng NPA sa mga taong nakakuha ng pinansyal na tulong mula sa gobyerno.

Matatandaan na itinalaga ang CPP-NPA bilang terrorist organization ng Estados Unidos, European Union, United Kingdom, Australia, Canada, New Zealand at ng Pilipinas.