Psychologist at psychiatrist ng PNP, dadagdagan para sa mental health ng mga pulis

Magdadagdag ang Philippine National Police (PNP) ng mga psychologist at psychiatrist sa kanilang hanay.

Ito ang iginiit ni PNP PIO Chief Police Colonel Jean Fajardo upang matiyak ang mental health ng mga pulis.

Ayon kay Fajardo, mahalagang matutukan ang mental health ng mga pulis dahil na rin sa kanilang trabaho.

Pinag-aaralan din ng PNP ang memorandum circular upang ang neuro at psych test ay maging bahagi ng annual physical examination ng mga pulis.

Nabatid na kulang ang mga psychologist at psychiatrist ng PNP na nakatalaga sa national headquarters.