Pulis, binastos kaya nangyari ang Dasmariñas Village incident

Inilabas ng Makati City Police ang kanilang initial na resulta sa kanilang imbestigasyon hinggil sa nangyari sa loob ng Dasmariñas Village.

Nag-viral sa social media ang video ng pag-aresto sa isang foreigner na kinilalang si Javier Parra sa mismong labas ng kanyang bahay sa naturang exclusive subdivision sa Makati.

Ayon sa Makati PNP Spokesperson PMaj. Gideon Ines Jr., nag-ugat ang insidente nang magsagawa ng monitoring at pagpapatupad ng Enhance Community Quarantine sa loob ng subdivision alinsunod na rin sa hiling ni Brgy. Dasmarinas Chairwoman Rosana Hwang.

Habang nagroronda sa loob n subdivision, nakita at sinita ng pulis na si PSMS Roland Madrona at Brgy. Dasmarinas Bantay Bayan Esteban Gaan ang katulong ni Javier na si Cherilyn Escalate habang ito ay nagdidilig ng halaman dahil sa hindi pagsusuot ng facemask.

“Around 5:54 PM of same date, said police officer and Bantay Bayan happened to chance upon Ms. Cherilyn Escalate a house maid who at that time doing watering of plants outside the perimeter property without wearing facemask. At this juncture, police officer politely introduce himself and advised the house maid to wear her face mask for her safety,” saad ng report ng Makati PNP.

Matapos na masita ay pumasok ang katulong sa loob ng bahay.

Mula rito ay biglang lumabas ng bahay si Javier at asawa nitong si Abegail Salvador at nikipagtalo sa otoridad dahil sa pagsita sa kanilang katulong.

“With no apparent reason someone from inside the house identified as Mr Javier Parra and Mrs Abegail Salvador her wife went outside and argued with the policeman and even challenge the authority how to properly implement the ECQ.”

Makikita sa video na kuha ni Bantay Bayan Gaan kung papaano nagalit at nambastos sa pulis si Javier.

“Mr Parra at that time went berserk, became unruly and utterred unsavory words towards the police officer and even humiliated him,” dagdag pa ng report ng Makati PNP.

Dito na sinubukang arestuhin ng pulis si Javier na mapapanood naman sa video na kuha ng misis nitong si Salvador.

“PSMS Madrona tried to effect the arrest but Mr. Parea manage to elude and went inside his house.”

Dugtong pa ng report ng Makati Police, agad na ipina-blotter sa pulis ang insidente at hinahanda na ang kasong isasampa laban sa mga sumuway.

“The incident is recorded in the police blotter and documents for filing for Violation of R.A. 151 (Disobedience to a Lawful Person in Authority) Direct Assault, R.A. 11332 and Makati City Ordinance 2000-089 (Not wearing Face Mask) has been preprared against the housemaid and Mr. Parra.” pagtatapos ng report ng pulisya.