Qatar, nagpatupad ng temporary travel ban sa Pilipinas at 13 pang mga bansa dahil sa COVID-19 simula ngayong araw

Nagpatupad na ng temporary travel ban ang Qatar sa Pilipinas at 13 pang mga bansa na apektado ng Coronavirus Disease 2019 (COVID-19).

Kabilang sa mga bansa na kasama sa temporary travel ban ay ang Bangladesh, China, Egypt, Iran, Iraq, South Korea, Lebanon, Nepal, Pakistan, Sri Lanka, At Thailand.

Magsisimula ang naturang travel ban ngayong araw, Marso 9, kung saan ang mga pasaherong darating sa Qatar na may travel history sa nabanggit na mga bansa sa nakalipas na 14 na araw ay pansamantalang hindi papayagang makapasok sa qatar.

Ang temporary travel ban ay bahagi ng hakbang ng pamahalaan ng Qatar para maiwasan ang paglaganap ng COVID-19 sa bansa.