Rep. Pulong Duterte, kinondena ang umano’y harassment ng mga pulis sa kanyang pamilya

Kinondena ni Davao City First District Rep. Paolo ‘Pulong’ Duterte ang umano’y harassment ng Philippine National Police-Criminal Investigation and Detection Group (PNP-CIDG) laban sa kanyang pamilya.

Ayon sa kongresista, mistulang tinalikuran na ng ilang opisyal ng pulisya ang kanilang tungkulin na ipagtanggol ang katarungan kapalit ang sariling interes o pinansyal na kapakinabangan.

Nagbabala na si Cong. Pulong na pananagutin nila ang mga ito hindi sa paraang politikal kundi sa pamamagitan ng tunay na katarungan.

Kagabi, April 30, 2025, nang maalerto ang supporters ng pamilya Duterte dahil sa kumakalat na impormasyong sasalakayin ng CIDG ang bahay ni dating Pangulong Rodrigo Duterte.