Retiradong pulis nanuhol, arestado

Arestado ang isang retiradong pulis na nagpapatakbo ng video karera sa Quezon City.

Kinilala ang naaresto na si retired Police Executive Master Sergeant Brigido Capio-An na dating nakatalaga sa Quezon City Police District-CIDG.

Nahuli ang suspek sa isang coffee shop sa Camp Crame kung saan sinuhulan pa nito ng 10,000 piso ang opisyal ng PNP Integrity Monitoring and Enforcement Group (IMEG).

Nahaharap ang suspek sa paglabag sa Article 212 ng Revised Penal Code o Corruption of Public Official.