Rondae Hollis-Jefferson ng TNT, nakaalis na ng bansa

Nakaalis na ng bansa si Rondae Hollis-Jefferson ng TNT Tropang Giga.

Sa isang pahayag ng team manager na si Jojo Lastimosa, ay babalik lang din ito sa Hunyo para sumali sa training kasama ang TNT.

Sa kanyang pag-uwi, nabigyang linaw din na hindi groin injury ang iniinda niya at isa lang itong abdominal contusion.

Sa kabila ng nararanasang sakit, hindi naman iniwan ni RHJ ang koponan at naglalaro pa rin ito hanggang Game 7, kung saan nanalo ang TNT sa iskor na 87-83 kontra Barangay Ginebra San Miguel.

Sila ang naging kampeon sa 46th season ng PBA Commissioner’s Cup.